Граѓаните на мирното бразилско градче Ипаука се вознемирени откако на два приватни имоти се откриени два круга со широчина од 19 метри, а оддалечени еден од друг околу километар.
Круговите кои се толку мистериозни бидејќи не постои никаков знак дека на местото се наоѓале машини кои би можеле да ги направат. За прв пат се видени во саботата на две одвоени плантажи и од тогаш се бара објаснувањето што всушност се случило и како настанале.
"Интригантен е фактот дека не постои трага од луѓе или апаратура, а никој не верува дека со постојната технологија би можеле да се направат така совршени кругови" забележа Едуардо Гаспарини, кој прв извести за овие мистериозни кругови.
Сопствениците на чија земја се појавиле круговите на почетокот мислеле дека се работи за нечија несолена шега, но сега се уверени дека биле посетени од вонземјани.
